..ٌ::ٌ:: النسابون العرب ::ٌ::ٌ.. - عرض مشاركة واحدة - الشيخ الشعراوي وحكاية جبر الخواطر
عرض مشاركة واحدة
قديم 19-10-2019, 11:58 AM   رقم المشاركة :[1]
معلومات العضو
رئيس مجلس الإدارة
 
الصورة الرمزية د ايمن زغروت
 
أحصائيات العضو

علم الدولة : علم الدولة Egypt

افتراضي الشيخ الشعراوي وحكاية جبر الخواطر

🍒🍒الشيخ الشعراوي وحكاية جبر الخواطر
🍒
(اعتذر عن النقل باللهجة العامية و ليس بالفصحى)
الدكتور / حُسام موافي من أشهر أطباء الباطنة في مصر والوطن العربي. يقول:
🍒 مَرة إتصل عليا الشيخ الشعراوي رحمه الله يحجز عنده موعد بالعياده علشان يكشف.
الدكتور /حُسام اتكسف منه .... وقاله / لا والله يامولانا أنا اللي هاجيلك لحد بيتك.... وبالفعل راح للشيخ.
الدكتور / حسام كشف على الشيخ واطمن على صحته. وبعد الكشف.
سأله الدكتور /حسام :- ايه يامولانا أفضل عبادة أعملها تقربني من ربنا سُبحانه وتعالى، خصوصًا إني في أواخر عُمري. ..؟
الشيخ قاله / خَمن أنت يا دكتور حُسام ايه أفضل عبادة ؟!!
الدكتور حُسام قال / الصلاة. .......قال له الشيخ/ لا ..
قال:- الصيام. ؟ ......... قال له الشيخ / لا ..
قال :- / العمرة ........قال له الشيخ / لا...
ورد الشيخ وقال له :- أفضل عبادة هي / ( جبر الخاطر )
قلت له ازاي ياشيخ / دليلك ايه ع الكلام دا. / ؟
فرد عليه الشيخ وقال له:- من ألعن من الذي يكذب بالدين.؟؟؟
- يعني من أشد سوءً من شخص بيقول مفيش ربنا ولا في رسول والعياذ بالله ..؟
قاله الدكتور حسام / فعلا مافيش اصعب من كدا !!
رد الشيخ وقال له ربنا بيقول / ( أرأيت الذي يُكذب بالدين )
شايف اللي بيكذب بالدين بيعمل أيه!!! ( فذلك الذي يدُع اليتيم ) يعني بيكسر خاطر اليتيم . (ولا يحُض على طعام المسكين)
يعني :- - بيطرد المساكين ولا يكلمهم ولا يطعمهم .
- يعني لا يجبر خاطرهم !
- ثالث حاجه ايه هي :- ؟ قال تعالى( فويل للمصلين )
- إذا ثالث حاجة قالها ربنا هي الصلاة ! يعني :-
- أول حاجتين ربنا ذكرهم هما:-
- التوحيد
- الثانية جبر الخاطر
- والثالثة الصلاة !
الدكتور حُسام /يقول خدت النصيحة من الشيخ في بالي وأتوكلت على الله ... روحت ثاني يوم وكان يوم أجازتي .. وفي هذا اليوم أنا متعود أنزل ( يوم أجازتي ) أشتري شوية حاجات لمراتي ،الخُضار ،واللحمة الخ .وبيته في ٦ أكتوبر وهو كان بيشتري الحاجات من وسط البلد.
وهو مروح أفتكر مكالمة تليفون كانت جايه له من جاره تقول له :-
(جبر خاطر) يادكتور ابقى عدي علي حماتي راقده عندك في
المستشفى مريضة أطمن عليها وطمنها الله يجبر بخاطرك ؛؛
قال / أفتكرت نصيحة الشيخ (أجبر خاطرًها. ! )
وجاري قال لي / جبر خاطر. فحسيت انها رسالة من ربنا ومبعوته لي.. وبالفعل قررت أعدي على المستشفى اللي بأشتغل فيها علشان أجبر خاطر جاري ورحت لحماته في المستشفى..
فجأة جالي وجع شديد في صدري وأنا في المُستشفى وأخذت الدواء بعدها بدقيقتن لأني عرفت إن جاتني جلطة في شُريان القلب،
فندهت على الدكتور وقولت له اديلي دوا كذا. وفورًا اداني الدواء .
الجلطة دي لو كانت جات لي وأنا بعيد عن المُستشفى أو روحت وطنشت جاري كنت مت فورًا لأن أقوى إنسان في الدُنيا لو جات له جلطة في الشريان التاجي هيموت بعدها ب ٥ دقايق لو مخدش الدُعامة ..!
فسُبحان الله وكأن ربنا بيقول لي جبرت بخاطر جارك وخدت بالنصيحة ،، جبرت انا بخاطرك وانقذت حياتك .
-العبادات عامله زي الابواب الخيارات لك والخير أبوابه كتبر:
- الصلاه باب ..
- الصيام باب ..
- جبر الخواطر باب ..
- خلي باب مفتوح بينك وبين ربنا .. متعرفش هتدخل من انهي باب للجنه ..
قطعه السمكه اللي بتحدفها لقُطه ممكن تكون سبب دخولك الجنه. متقفلش كُل الأبواب..
علماء المُسلمين بيقولوا .. من سار بين الناس جابرا للخواطر
( أدركه الله فى جوف المخاطر )
نفسك ربنا يحققلك شيء معين ايًا كان بنظر الناس مُستحيل
( أجبر بخاطر الناس. )
والله الدُنيا بحالها ماتسوى شي قصاد لمعان عيون بنتك او اختك او مراتك اهلك و أحبابك وحبايبك. وأنت جابر بخاطرها ومفرحها.
🍒الامام مالك بن دينار / .. ربنا هداه وتاب عليه عشان اشترى حلاوه لبنتين ايتام وجبر خواطرهم .
🍒 اللهم اجبر خواطرنا واجعلنا ممن يجبر الخواطر ؛ 🍒منقول عن الدكتور فؤاد ردمان🍒🍒


توقيع : د ايمن زغروت
" تِلْكَ الدَّارُ الآخِرَةُ نَجْعَلُهَا لِلَّذِينَ لا يُرِيدُونَ عُلُوًّا فِي الأَرْضِ وَلا فَسَادًا وَالْعَاقِبَةُ لِلْمُتَّقِينَ " القصص/83.
د ايمن زغروت غير متواجد حالياً   رد مع اقتباس